![Logo](/images/logo.jpg)
![](/images/facebook.jpg)
![](/images/youtube.jpg)
Մրցաշար ChessAcademy.am
Ավարտին է մոտենում Անդրանիկ Մարգարյանի հուշամրցաշարը
2018-01-16![](/image/?type=news&prefix=news_tumb_big&img=151610725164_26c2860879cc8a96b5795d623c6f91d1.jpg)
Հայաստանի շախմատի ակադեմիայում ավարտին է մոտենում Անդրանիկ Մարգարյանի 8-րդ հուշամրցաշարը: Երեկ կայացան մրցաշարի 7-րդ տուրի պարտիաները: Շրջանային մրցաշարում երկու առաջատարները՝ Փարհամ Մաղսուդլուն և Լուկաշ Յարմուլան, մրցում էին միմյանց դեմ: Սպիտակներով խաղացող Յարմուլան պարտիայի հենց մեկնարկից ուներ մեծ առավելություն, սակայն հետագայում թույլ տվեց մի շարք թեթև վրիպումներ, որոնց արդյունքում դիրքը հավասարվեց, իսկ վերջնամասում Յարմուլան սխալվեց արդեն կոպտորեն և պարտվեց: 7-րդ տուրում հաղթանակներ տոնեցին նաև Կլեմենտի Սիչովը և Արման Միքայելյանը: Արամ Հակոբյան – Վադիմ Մոիսեենկո և Վոլոդիմիր Վետոշկո – Նիկիտա Մորոզով պարտիաներն ավարտվեցին հաշտությամբ:
7-րդ տուրից հետո աղյուսակը 6 միավորով միանձնյա գլխավորում է Փարհամ Մաղսուդլուն: Կլեմենտի Սիչովը 5.5 միավորով գտնվում է 2-րդ հորիզոնականում, իսկ Լուկաշ Յարմուլան 5 միավորով նահանջեց 3-րդ հորիզոնական: Հայաստանը ներկայացնող Արամ Հակոբյանը 4.5 միավորով 4-րդ տեղում է: